Геология. «АЛРОСА» геологическэй тэрилтэлэрэ, биир эрэ Удачнай-Мууна оройуонун тула, 150 млн карааттаах алмаас саппааhа баар буолар кыахтаах диэн тургуталлар. Билигин геология уларытыыны-тэлэритиини барар.  Хас да, биир кyдьyс хайысхалаах тэрилтэлэри холбооттоhун yлэтэ бара турар. Ол былааны кыччаппат. Соруктар «хамсаабаттар».

2017 сыл сайыныгар мунньуллубут хонуу(полевые работы) yлэлэрин тyмyктэриттэн, аны кyhyн, баай отчуоттар баар буолуохтаахтар. Сyлдьyкээр yрэх баhыгар геологическай чинчийиилэриттэн дьоhуннаах тyмyк кyyтэллэр. Оттон АМГРЭ yлэлиир, «Дальняя», «Заря» бытархай алмаастаах сирдэр баайдара бигэргэтилиннэ. Итинэн сирдэттэххэ, Айхал кэскилэ улаатар. Геологтар тэриллиилэрэ дьоhун, барыта аныгы билим, yксэ омук технология. Геофизиктэр омук фирмаларын yyттyyр тэриэбэлэрин(«Бурение скважин») туhаналлар.

Чинчийиллибит сирдэртэн балай эмэ баай матырыйаал баар буолла. Хотугу былаhаакка кyндy бытархай таастарын уонна кумахтарын саппааhа, бyтэhиктээхтик Москва куоракка, судаарыстыба сир баайдарыгар кэмитиэтигэр техническэй сyбэ чэрчитинэн бигэргэтиллиэхтээхтэр. Онон Айхал, Удачнай алмаастара инники биэс уон сылга туhалыахтара диэн геологтар бигэргэр кыахтаннылар.

6g5jhgy8j

УКК. Мииринэйгэ, «АЛРОСА» каадырдары бэлэмниир Киинигэр(ЦПК), уhуйар-курсовой кэмбинээккэ yлэ yгэнэ. Ааспыт ыйтан ылата куурустар араастар: шахта силиэсэрдэрин, автокран машинистарын, элиэктириктэри бэлэмнээhин. Производство саахалын кэмигэр эчэйбиттэри быыhыырга, «Гриша» робокка эрчийии ыытыллар. Кутталлаах уматыгы тиэйэр, бирисиэптээх массыына суоппардары бэлэмнииллэр.

Элбэх yлэhит, «Удачнай» шахтатыгар ирдэнэр. УККнан, УХБК yлэhиттэрэ «Удачнай» руднигар yлэлииргэ анаан шахтер идэтигэр эрэсэрээттэрин уларыталлар. Биллэн турар, шахта yлэтигэр кэлээччи доруобуйатын туруга, сааhа эмиэ булгуччу учуоттаналлар.

98fy8t87u

Мииринэй ХБК.   «Интер» шахтатын уруудатын саппааhа букатыннаахтык энчириир туруктаах испитэ. Ону, 2009 сыллаахха сабыллыбыт карьер анныгар, кирбиилэри тутаннар «Интер» yлэлиир кэмэ уhаата. Алмаас хостонуутугар, 2017 былаана добуоччу.  МХБК былаан быhыытынан,  1 млн. 500 туонна урууданы - «Мир» уонна «Интер» шахталарыттан, 300 тыhыынча туонна кумахтары «Водораздельные галечники» «КСА-150» промприбордарынан хоcтуохтаах.

Маннык кээмэйдээх урууданы хостооhун улахан технологическэй санардыыны ирдиир. «Мир» туруупкатын саппаастара 1.200 метргэ диэри сыныйан бэрэбиэркэлэннилэр. Мииринэй шахтаны тутааччылара(МСШСУ) yс кирбиилэргэ yрyттэр куттала суох буолууларыгар уонна ууну дьалбартыыыга салгыы yлэлии сылдьаллар.

68vgb

«Алмазавтоматика» трест. Атырдьах ыйыттан ыла, быраабыла курдук, баабырыкалар тохтобулга бараллар. Маннык кэмнэргэ, «Алмазавтоматика» трест эмиэ алмаас байытар баабырыка технологическэй утумнарын, тэриэбэлэрин уларытыы-тургутуу yлэлэригэр кыттыыны ылар. Баабырыкаларга, барыта сыыппара уонна автоматика буолан, туох баар тэриэбэ «Алмазавтоматика» испиэстэринэн тургутуллар. Бу трест инновациялары, аныгы автоматика уонна «сыыппара» технологияларын уларытыыларын производство салааларыгар киллэриигэ ылсыhан туран yлэлиир. Кэнники сылларга, «Алмазавтоматика» Арассыыйа «Буревестник» научнай-чинчийэр холобоhугун кытары yлэлээн, дьоhуннаах тyмyктэри ситистэ.

Холобур, билигин алмаас байытыытын «хаамыытыгар»(Накыын. №16-дээх баабырыка) туох буола турара барыта диспиэччэрискэйинэн ырылыччы кэтэнэ олорор. Ханна урууда харбыта, кyyгэннээх сэппэрэээссийэ туохха моhуогурбута, грохот-сиксийии, пневмофлотация дьиэктэрэ -  барыта монитор экраныгар дьэрэличчи ойууланан тахсар. Сайдыы тэтимнээхтик барар.

 

 

Станислав Алексеев. Мииринэй к. Слава Степанов-«Gelio» уонна ааптар хаартыскалара.

   

 

     

 

 

 

     

  

Поделиться:

Комментарии