Мин Коляны кыратыттан билэр буоламмын, биир да тылы суруйарым ыарахан. Коля – ийэтинэн Оксананан – Сyлдьyкээр, аҕатынан – Николайынан – Таас-Yрэхтэн этэ. Терyттэрэ – Туой-хайалар. 

Хаан-уруута – Монреаль Олимпиадатын призера, саха норуотун киэн туттуута – Александр Иванов. Коля – а5ата, Николай Николаевич, «АЛРОСА» «Алмазтехмонтаж» тэрилтэтин бэтэрээнэ.

Хомойуох иhин, Коля ийэтэ Оксана, эдэр сааhыгар бу дойдуттан кyрэммитэ. Коля, ийэтинэн эбээтин Шураны, моряк-эhээтин Кириллы (Чуумпу Акыйаан флотугар сулууспалаабыта) утумнаан, сyрдээх талааннаах, «бойобуой», тугу барытын сатыыр, тиэхиньикэ арааhыгар да тыыппалаах уолчаан этэ. Эдьиийэ Ольга Кирилловна такайан, Коля, сyлдьyкээрдэр, «Дылачакаан» ансаамбылларыгар yнкyyлyy сылдьарын санаан кэлэбин.

IMG 6622

Этинэн-хаанынан чэгиэн-чиргэл буолан, авиационнай училищеҕа киирбитэ. Ол эрэн, дойдутун ахтан, ситэ yөрэммэтэх. Мииринэйгэ, араас yлэлэргэ сылдьан баран, Коля шахтер идэтин талбыта.

Шахта тиэхиньикэтин тyргэнник баhылаан, биригээдэтигэр чулуулара этэ. Туох да эрчимнээхтик yлэлии сылдьан, «Мир» шахтатын бастакы саахалыгар, от ыйын 29 кyнyгэр, yрyт сууллуутугар ыараханнык эчэйбитэ. Систэрин уцуохтарын тоhуттарбыта.

Мииринэй балыаhата кинини Дьокуускайга суhаллык ыыппыта. Коля, Минздрав иккис балыаhатыгар реанимация палаататыгар, куома туругар биир ыйга тиийбэт сыппыта. 

Аҕата Николай, уола быстыар диэри сэргэ олорбута. Коля, бу ый 28 кyнyгэр, бу дойдуттан кyрэннэ.  

Коляттан, икки, кып-кыра кыргыттар хааллылар. Кэргэнэ, алта ыйдаах ыарахан. Маны учуоттаан, «АЛРОСА», Саха сирин саламтата, оройуон, кини дьонугар ирдэнэр кеменy толорутук оноруохтара диэн эрэнэбин.

Быраhаай, шахтер Коля Алексеев! Быдан дьылларга бырастыы!

Станислав Алексеев, журналист.

Мииринэй куорат

Поделиться:

Комментарии