Лента новостей

26.04.2017 25.04.2017

AvtoDrive

koreamoda-min

980х300

Общество

Эпииргэ “Ньурба ТВ

5gf6hfg56h

5gf6hfg56h
ИА «Yakutia24/Якутия24». Күөх Ньурба улууһун олохтоох күөх экранын тэрилтэтэ, “Саха” НКИХ Ньурбатааҕы салаата, быйыл эпииргэ тахсыбыта 25 сылын көрсөөрү бэлэмнэнэ сылдьар. Тэрилтэ үйэ чиэппэрэ устун хайдах-туох үлэлээн кэлбитин, тугу ситиспитин, туох кыһалҕалааҕын билсиһэ тиийэ сырыттым. Ньурбатааҕы салаа салайааччыта Валентина Кириллинаны кытары көрсөн кэпсэттим.

– 1991 с. районо салайааччыта Михаил Прокопьевич Федоров, уопсастыбанньык быһыытынан, көҕүлээн Ньурба күөх экраныгар, араадьыйатыгар маҥнайгы биэриилэр тахсыбыттара. Маҥнайгы эрэдээктэринэн, дикторынан Капитолина Николаевна Васильева, теле-операторынан Валерий Дмитриевич Ефремов үлэлээбиттэрэ. Онтон 1992 с. райком үлэһитэ Роман Иванович Федоров үөһээ былааска күүскэ туруорсан Ньурбаҕа маҥнайгы теле-араадьыйа-устуудьуйаны астарбыта. Култуура управлениетын салайааччыта Марта Романовна Гоголева ити үтүө дьыалаҕа эмиэ элбэх сыратын-сылбатын уурбутун умнар сатаммат. Ол курдук 1992 сыл олунньу 24 күнүгэр Ньурба тэлэбиидэнньэтэ, араадьыйата туспа устуудьуйа быһыытынан аан маҥнай эфиргэ тахсыбыта. Онон бу күн – Ньурбатааҕы теле-араадьыйа-устуудьуйа төрөөбүт күнэ.

20170406 165653

20170406 165653
Ньурбатааҕы драма тыйаатырын режиссёра Спартак Иванович Слепцов устуудьуйа маҥнайгы салайааччыта буолар. Устуоруйаны дьоннор оҥороллор. Устуудьуйа саҥа аһыллан атаҕар турарыгар үлэлээбит маҥнайгы хараҥаччылар ааттарын аҕыннахпытына сатанар: Капитолина Николаевна Васильева, Галина Егоровна Томская, Елизавета Федотовна Потапова, Алевтина Романовна Корнилова, Юлия Егоровна Егорова, Матрена Ильинична Слепцова, Лариса уонна Михаил Протодьяконовтар уо.д.а.  Николай Потапов, Алексей Кузьмин, Иван Семенов теле-операторынан үлэлээбиттэрэ. Аркадий Харитонов тэхиньиичэскэй үлэни иилээбитэ.

 

20161215 094943

20161215 094943
2000 с. салалта муоһатын Аркадий Иннокентьевич Винокуров туппута. Онтон сыл эрэ буолаат, 2001 с., Саргылаана Романовна Васильева устуудьуйа салайаачытынан анаммыта. “Калейдоскоп” оҕо теле-устуудьуйа аһыллан үлэтин саҕалаабыта. Уопсастыбаннай кэрэспэдьиэннэр Зоя Никифоровна Иванова, Ираида Дмитриевна Васильева элбэх үлэни үлэлээбиттэрэ.

Мин Дьокуускайга “Саха” НКИХ-ҕа үлэлии сылдьан 10-ча сыллааҕыта Ньурбаҕа көһөн кэлбитим. Үөрэхтээһиҥҥэ, ыччакка аналлаах эрэдээксийэлэргэ үлэлээбитим. 2005 с. кэргэммин Ньурбаҕа үлэлэтэ ыыппыттарыгар кэлсибитим. Кыра оҕобун көрөн олорон баран, 2008 с. Ньурбатааҕы тэлэбиидэнньэҕэ ыстааты таһынан сонун жанрыгар үлэбин саҕалаабытым. Ол саҕана Саргылаана Васильева-Федорова тэрилтэни салайан олороро. Саргылаана Романовна Ньурбатааҕы теле-араадьыйа-устуудьуйа “Саха” НКИХ салаата буоларын, таһыма үрдүүрүн, цифровой формакка көһүүнү ситиспит салайааччы буолар. 2009 с. штатка киирбитим. Салайааччыбыт Туйаара Молукова буолбута. Туйаара Николаевна үтүөтүнэн 2014 сыл сааһыгар тэрилтэбит туспа таас дьиэҕэ көһөн кэлбитэ. Дьиэбит 95 кыб. м иэннээх.  Мин тэрилтэҕэ салайааччынан анаммытым 3-с эрэ сылыгар барда. Ньурбаны наһаа сөбүлээтим, иккис дойду оҥоһуннум. Дьоно-сэргэтэ түмсүүлээҕэ, уопсастыбаннай олоххо, үлэҕэ-хамнаска көхтөөҕө, көнө, судургу майгылааҕа олус бэрт. Бу ыһыаҕы ыыталларын көрүөҥ этэ үчүгэйин, бу ырыаһыттара элбэҕин... Култуура тэрээһиннэригэр да, үлэҕэ да ис сүрэхтэн ылсаллар. Сүрэҕэлдьээн, холтууралыы сатыы сылдьар, буоллун-хааллын эрэ диэбит курдук үлэлии сылдьар киһини көрүөҥ суоҕа.

IMG 3156

IMG 3156
IMG 3174
IMG 3174
Элбэх үлэһиттээх тэлэбиидэнньэ салаатыгар киирсэбит, штатка 5 үлэһиттээхпин: 2 эпэрээтэр, 1 бырагырааманы ыытааччы, 1 режиссер уонна 1 мантаас режиссёра. Үлэһиттэрим бары дэгиттэр (универсал) исписэлиистэр. Холобур, режиссёрбут Роман Саввинов биэриини да ыытар, кэрэспэдьиэн да буолар, эпэрээтэрдиир да, мантаастыыр да – барыны-бары сатыыр. Саҥарыахтаах тиэкиһин эҥин бэйэтэ суруйар олус дьоҕурдаах ыччат.

Мантаас режиссёра Эдуард Васильев отой оҕо эрдэҕиттэн тэлэбиидэнньэ эйгэтигэр сыстан үлэлээбит уол. Оскуолаҕа үөрэнэ сылдьан “Калейдоскоп” диэн оҕо тэлэбиидэнньэтин устуудьуйатыгар дьарыктаммыт. Оскуоланы бүтэрээт Ньурбатааҕы тэлэбиидэнньэҕэ үлэлии киирэн, Санкт-Петербурдааҕы Киинэ уонна тэлэбиидэнньэ университетыгар үлэлии-үлэлии кэтэхтэн үөрэнэн исписэлиис буолла. Биир эпэрээтэрбит, Эдгар Николаев, эмиэ бу университеты үөрэнэн бүтэрбитэ. Режиссёр ыстаатыгар сылдьар Күннэй Антонова эрэдээктэр быһыытынан үлэлиир. Олус сытыы-хотуу, үлэтигэр бэриниилээх, айылҕаттан дьоҕурдаах исписэлиис. Тэлэбиидэнньэ кэлэр кэскилэ бу ыччат илиитигэр баар. Кэллиэгэлэрим эдэр дьон буолан, бэйэбин эмиэ эдэрдии сананан эрчимнээхтик үлэлиибин. Барыны сатыыр дэгиттэр дьоҕурдаах эдэр кэлэктииби салайарбыттан бэйэм да астынабын. Бас тэрилтэбит сыл түмүгүнэн үчүгэй көрдөрүүлээх улуустааҕы салааларга сыллата “Бастыҥ салаа” диэн ааты биэрэр. Ити ааты үчүгэй үлэбитинэн былырыын, 2016 с., ылбыппыт. Быйыл Роман Саввиновпыт эдэр суруналыыстар Ил Дархан бирииһигэр куонкурустарыгар “Эдэрдэр эдэр харахтарынан” диэн аат кыайыылааҕа буолбута. Ааспыт сылларга итинник кыайыыларбыт, ситиһиилэрбит элбэхтэр.

Биһиги сүрүн уратыбыт –судаарыстыбаннай соругу (сюжеттары, биэриилэри устан бас “Саха” НКИХ-ҕа ыытыы) толорорбут таһынан, олохтоох эпиири таһаарабыт. Ньурба улууһун дьаһалтатын кытары хантараак түһэрсэн үлэлиибит. Үлэбит сыаналанан, хантыраакпыт суумата сылга 2 мөл. солк. тиийэ үрдээтэ. Бу харчыбытынан офиспытыгар ититэр систиэмэни тартаран ТЭН  холбоннубут; толору хааччыллыылаах офистанаарыбыт, сиэптик оҥортордубут, уу ситимин тартарар санаалаахпыт. Аны хомунаалынай төлөбүрбүт эҥин баһаам элбэх. Кииннэммит ититэр ситимҥэ холбонуохпутун баҕарбыппыт даҕаны, хомунаалынай төлөбүрүн ыарырҕатан, тохтоотубут. Саҥа цифровой камера ылыммыппыт. Ону таһынан былырыын бас тэрилтэбит аныгы ирдэбилгэ толору хоруйдаһар 2 камераны ылан биэрбитэ. Тэлэбиидэнньэ HD формакка көспүтэ, онон биһиэхэ билигин үчүгэй көмпүүтэр систиэмнэй булуоктара наадалар. Урукку көмпүүтэрдэр аныгы ирдэбилгэ хоруйдаспаттар.

Нэдиэлэҕэ иккитэ 45-тии мүнүүтэ “Саха” НКИХ сиэккэтигэр эпииргэ тахсабыт. Бэнидиэнньик киэһэ 18 чаас 15 мүнүүтэҕэ. Нэдиэлэ көтө-көтө быһа биэриини ыытабыт. Сыл саҥатыгар улуустааҕы пресс-сулууспаны кытары сөбүлэһии бэрээдэгинэн, быһа эпииргэ ким тахсыахтааҕын барытын эрдэттэн быһаарсабыт. Ол курдук биир-биир үөрэх, доруобуйа, айылҕа харыстабылын, ОДьХХ, о.д.а. тэрилтэлэр быһа биэриигэ харыыта суох тахса тураллар. Оттон судаарыстыбаннай сорукпутугар ыйга 4 биэриини оҥорон ыытабыт: 13 мүнүүтэлээх – 1, 25 мүнүүтэлээх 3 биэриилэри. Эбии 16-ттан аҕыйаҕа суох сонун сюжеттарын уонна “Саха” НКИХ биэриилэригэр анаммыт сюжеттары оҥорон ыытабыт. Холобур, “Үчүгэйиэн бу сиргэ!” биэрии игирэлэр биитэр эриэккэс ааттаах дьоннор тиэмэлэригэр сакаас түһэрэр. Дьоруойдары бэйэбит булан устабыт. Ол курдук ааспыкка Ньурбачааҥҥа Клеопатра диэн ийэлээх, Атамаан диэн ааттаах аҕалаах ыалы булан устубуппут. Үлэбит итинэн интэриэһинэй.

Быйыл үлэһиттэрим элбэх айар айаҥҥа бара сырыттылар. Холобур, соторутааҕыта алмаас хостуур сиргэ, Накыҥҥа, баран кэлбиттэрэ. Ол сырыы түмүгүнэн нууччалыы, сахалыы биэриилэр муус устар ыйга эфиргэ тахсыахтара. 

Үбүлүөйбүт сүрүн тэрээһинин, суол турдаҕына, кыһын оҥорор былааннаахпыт. Тэрилтэбит урукку салайааччыларын, үлэһиттэрин, доҕотторбутун, партнердарбытын, кэллиэгэлэрбитин ыҥыртыахпыт.

 

Бэйэ кэр.

 

 

 

Добавить комментарий

Защитный код
Обновить

avrora

dobrieruchki

tuuymaada

Голосование

Планируете ли Вы подать заявление на "дальневосточный гектар"?

19.7%
4.4%
61.3%
9.5%
5.1%
Загрузка