Лента новостей

26.04.2017 25.04.2017

AvtoDrive

koreamoda-min

980х300

Общество

Сунтаарга таас дьиэни тутууга ылсыhан эрэллэр

f5g5f4hfgth

f5g5f4hfgth
ИА «Yakutia24/Якутия24». Сунтаар улууhугар социальнай хайысхалаах эбийиэктэри тутуу Дьокуускайтан, киин улуустартан, Ленскэйтэн уонна Мииринэйтэн хас да бyк ороскуоттаах.  Ону ыарык гыммакка, улуус киинэ таас дьиэ тутуутугар дьаныhан туран киирсиhэ сатыыр. Ол курдук, Сунтаар сэлиэнньэтин илин "баhыгар" 260 миэстэлээх дьыссаат дьиэтэ таас барыйаанынан тутуллан эрэр. Бу тутуу санаа хоту, ситиэ-хотуо, барыта сатаныа дуо? 

Быйылгы навигациянан Бyлyy Эбэ Хотун устун наадалаах тутуу матырыйаала толорутук тиэллэн кэлиэ дуо диэн долгутуулаах санаа сунтаардары " кымыстыыр".  
Бэл, быдан кыахтаах, баай-талым yптээх-харчылаах Мииринэй Заречнайыгар 190 миэстэлээх таас дьыссааты тутан иhэн бырахтылар, Алмазнай 220 миэстэлээх таас оскуолатын тутуутун бу сылларга тутуох айылаах буолан айдааран-куйдааран баран, 2019 сылга ылсыахпыт диэн "эргийэн" кэбистилэр. 
Оттон Сунтаарга усулуобуйалара, суоллара-иистэрэ,  тутууларын базата да букатын ыарахан. Туохтара да суох: тутуу кэмбинээтэ да, кyyстээх уот да, тэхиньиичэскэй мастырыскыай да, аныгы тутууга аналлаах араас тэриэбэ да.. Ол да буоллар Сунтаарга, Бартыhаан микрооройуонугар, сyрдээх дьэрэкээн быhыылаах дьыссаат тутуллан турар.
Онон бу да дьыссаат тутуута болдьохтоох кэмигэр дьэндэтиллэн тyмyктэниэ диэн эрэнэ эрэ саныырбыт хаалла.  Таас дьиэлэри тутуу Сунтаарга манан эрэ бyппэт. 
Сунтаар сэлиэнньэтигэр аан бастаан биэс этээстээх, 69  кыбартыыралаах  КПД дьиэ тутуллан эрэр.  Маны хайгыахха эрэ наада.

 

Станислав Алексеев. Мииринэй-Сунтаар.

Добавить комментарий

Защитный код
Обновить

avrora

dobrieruchki

tuuymaada

Голосование

Планируете ли Вы подать заявление на "дальневосточный гектар"?

19.7%
4.4%
61.3%
9.5%
5.1%
Загрузка