Аны икки сылынан, Сүлдьүкээр диэки Светлэй бөһүөлэгиттэн айан суолун туппуттара уон сылын томточчу туолуоҕа. Олус да өр, сындалҕаннаахтык туттулар, бу айан суолун. Баара суоҕа отут биэрэстэлээх сири, санаа курдук, кутан, дэхсилээн оҥорон бүтэһиктээхтик түмүктүү иликтэр. Суол суох буоллаҕына сайдыы эмиэ бытаарар.

Аны, оптоволокно Интернет, бу дойдуга эмиэ мэлигир. Мобильнай 2 «G» Интернет эрэ баар. Биллэн турар, маннык Интернеттээх, туох да күттүөннээх дьыала ситиһиллибэт. Оройуон былаастара «Ростелеком» АХ кытары биир сүбэ булан, 2021 сылга оптоволокно хаабылын Сүлдьүкээргэ диэри тириэрдиэхпит диэн эрэннэрэллэр.

Биир сытыы боппуруос – күүстээх уот суоҕа. Уот, уруккутун курдук, сотору-сотору барыталыыр. Бу боппуруос быһаарылла илик. Санатан эттэххэ, сүрүннээн эбэҥкилэр олорор нэһилиэктэригэр 300-чэ киһи олорор. Сүүрбэ сыл устата, Сүлдьүкээр сэлиэнньэтин аҥаара эрэ хаалла.

 Киин уулуссатыгар

Станислав Алексеев. Мииринэй куората

Поделиться:

Комментарии